KIKKUUVUGUT
EMJ-ATCON Greenland A/S suliffeqarfiit EMJ-ip (1992-imi pilersinneqartup) aamma ATCON-ip (1970'ikkut aallartinneranni pilersinneqartup) 2013-imi kattunnerisa inerneraat. Qullersaqarfipput ullumikkut Nuummiippoq, Nuummilu 50-it missaannik sulisoqarluta.
Suliarinninnissamut isumaqatigiissutigisartakkatsinnut ilaatigut ilaapput:
- Inissialiornerit
- Hotelinik sanaartorneq
- Umiarsualivinnik sanaartorneq
- Isaterineq
- Nunaqarfinni suliassat
- Piiaaffimmik ingerlatsineq pilersuinerlu
- Aatsitassaqarneranik aamma atortussiassaqarneranik misissuineq
- Naleqqanik inissiineq/uuttortaanerit
- Naleqqanik inissiinermik uuttortaanermillu suliassat
- Miligartaatinik aamma nutarterinermik suliassat
- Aatsitassaqarneranik aamma atortussiassaqarneranik misissuinermut atatillugu Avinngarusimasuni Tammaarfiit/ Piiaaffiit/ Pilersuineq
Sapinngisamik pitsaanerpaamik aaqqiissutissarsiniarluta ukiorpassuarni misilittakkavut sullissatsinnut atugassanngortikkusuttarpavut.
"Kalaallit Nunaanni ukiunik 25-nik amerlanerusunik misilittagaqarpugut. Pilersaarutit annertussusaat aamma sanaartugassanik isumaqatigiissutit qanoq ittuuneri apeqqutaatinnagit naammassisarpagut, nammineq sanaartortitsisunut aamma pisortat sanaartortitsisoralugit."
Silap pissusaa taamaammat ataqqilluinnarparput tamannalu pissusissaanngitsumik ingerlatsinissamut kinguaattoornissamulluunniit utoqqatsissutissatut atorneq ajorlugu. Atugassatut akuerinikuuarput naleqqussarfigalugulu.
Peqqissaarluinnartumik pilersaarusiortoqartariaqarpoq aporfiusinnaasunullu sillimallaqqittariaqarluni, taamaattulli unamminartutut pissanganartutut tigusarpagut. Nunatsinni sanaartorneq uatsinnut suliffiinnaanngilaq, inooriaasiullunili.
Issittumi sanaartornermi suliarilluakkanik angusaqarluarusussuseqarnitta inuttullu soqutigisaqarnitta nassatarisaannik atortussat suleriaatsillu nutaat eqqumaffiginiartarnissaat suliatsinnut ilaapput. Pissutsinut malinnaaneq.
"Ataatsimoorneq suleqatigiinnerlu nalerarisatsinni ulluinnarnilu ingerlatsinitsinni najoqqutaralugit ingerlavugut."
Ataatsimoorneq suleqatigiinnerlu nalerarisatsinni ulluinnarnilu ingerlatsinitsinni najoqqutaralugit ingerlavugut. Uagut silarsuatsinni inuussutissarsiorfiit suliffeqarfiillu akornanni suleqatinik suleqatigisanillu tatigeqatigiilluni ataatsimoorneq pingaaruteqaannanngilaq, sulialli naammassineqarnerata iluatsilluarnissaanut tunngaviliisuulluni. Taamaammat suliffeqarfitta aaqqissuussaanera tamaat naleqqat pingaartitat aallaavigalugit inuit ataasiakkaat tamarmik sulisarnissaannik aaqqissuunneqarsimavoq.
Ilaatigut tassaapput:
- Nammineq inuttut akisussaassusermik tiguserusunneq
- Suleqatigiissinnaassuseqarneq ataatsimoornermillu pingaartitsineq
- Imminut inunnullu allanut ajunngitsumik isumaqarfiginninneq
- Inunnik aamma inuiaqatigiinnik akuuffigisatsinnik ataqqinnissinnaaneq
- Ilinniagaqarnermik pigiliussinissamut piginnaasallu ineriartortinnissaannut ammasuuneq
Naleqqat pingaartitat taakku pissusissamisoortumik nassatarisaannik EMJ-ATCON CSR pillugu aallunneqartumik malittarisaqarpoq. Akisussaaffipput pingaartipparput. Inunnik, avatangiisinik inuiaqatigiinnillu piujuartitsisumik ineriartortitsineq pillugit akisussaaffigisatut taasavut uatsinni ulluinnarni pissusissamisoortumik ilaapput.