SANAARTUGASSAT NUTAAT
Sanaartugassannut tullermut EMJ-Atcon qinerukku suleqatissaq suliamik ilinniagaqarluarsimasoq kisiat toqqassanngilat. Aqqutaa tamaat siunersioqatigisartagassat aamma toqqassavat. Isumassarsinermiit illup naammassinissaata tungaanut.
EMJ-Atcon-imi naammassisaqarsinnaaneq nalimmassarsinnaanerlu aallutaraagut. Taamaattumik uatsinnut sullitatsinnullu periarfissarsiortuaannarpugut. Betonngimik toqqavissiat inerlugit sanariikkat atukulasarpagut, aamma qalianut illullu silataannut atugassiat. Tamatumani pitsaassuseq pilliutiginagu sanaartorfimmi piffissamik atorluaanerusarpugut.
Immikkuualuttunukua pitsaanerpaamik kinguneqartitsisartut. Kuutsitsivigaluni uffarfiit perusuersartarfiillu sanariikkat ilaatigut atortarpavut. Sanaartorfimmi piffissamik sipaartoqartarpoq pitsaassutsillu tamatigut assigiinnissaat qulakkeertarlugu. Ileqquusumilli sanaartoriaatsimut sanilliullugu sanaartorfik annikinnerujussuarmik aamma isugutammik sunnerneqartarpoq. Periaasimininnguaq sanaartornerup ingerlanneqarneranik sukkanerulersitsillunilu pitsaanerujussuarmik tunniussaqartitsisoq.
Nalunngilarput nutaamik sanaartorneq pisariusinnaaqisoq - taamaammat tulluusimaarluta oqarsinnaavugut misilereernikuullutigu. Pilersaarutit peqataaffigisimasavut assigiinngeqaat, ilaatigut uku sanaartornerat akisussaaffigisimavarput:
- Katuaq - Nuummi Kalaallit Nunaanni kulturip eqqumiitsuliornerullu illorsua
- Napparsimasunut Akunnittarfik - Nuummi Dronning Ingridip Napparsimavissuani napparsimasunut inissiat
- GU - Qeqqani Ilinniarnertuunngorniarfik Nuummiittoq
- Kissarneqqortuunnguaq
- Illut nammineq pigisat 100-nit amerlanerusut
Taamaammat tulliani sanaartugassannut suleqatissaq assigiinngitsorpassuarnik piginnaaneqartoq qineruk. Nutaamik sanaartornermi pisaatsit nutaanerpaat naleqqussarnissaat neqeroorutigisinnaavarput, suliffeqarfimmimi pisaaserisatsinnut ilaareermata. Sanaartornermi suliassat akornanni oqaloqatigiittoqarnera ilinnik toqqissisimatitsissaaq.
Tamakkua saniatigut kranit atortussanillu ikkussuinerit allat inissinnissaat isumagisarparput, aamma Tammaarfimmik Pilersuineq - Ingerlasussanik piareersaaneq aqutsinerlu (Najukkami).
EMJ-ATCON pisussaaffiligaanngitsumik oqaloqatigiuk tulliani nutaamik sanaartugassaq aallartillugu - siunissami suleqatigiligassat.