SIUNNERSORNEQARNEQ/SIUNERSIUEQATEQARNEQ

Paasisimasalittut sanaartortitsisuugaanni aningaasaatillu katersukkat illulianut nutaanut aningaasaliissutiginissai kiisami aalajangersimallugu tamanna aatsaat sivisuumik isumaliutigereerlugu pigajuttarpoq. Allilerinissaq aamma nutaamik sanaartornissaq aalajangerneruvoq angisooq.

Illullu titartarenera naammassigaangat sanaartugassamillu suliarinnittussaq qinerneqareeriarpat sanaartortitsisoq sanaartornerup ingerlarnani katataakkajuttarpoq, sanaartornerup qanoq ingerlasarnera soorunami ilisimaqqissaarneqarsinnaanngimmat. Pisut sukkasuumik pisarput, kikkut tamarmik kikkut tamarmik nalunngilaat suullu tamaasa ingerlavigereersimallugit, aalajangigassallu amerlaqalutik.

Aalajangiinerit tamarmik, ajunngippata kukkusuuppatalu, aningaasanik naleqartarput sanaartortitsisutullu allaanngingajappoq avataaniilersimalluni.

Taamaattumik sanaartortitsisutut ajunnginnerpaavoq sanaartortitsisumut siunnersuisartumik suleqateqaleraanni sanaartortitsisumut sanaartukkamullu iluaqutaasussat kisiisa isumagisaralugit. Tassaasinnaavoq siunersiueqateqarneq nalinginnaasoq siunnersorneqarnerlu, teknikikkut aaqqiissutissanik nalilersuineq, piffissatut atugassamik aqutsineq, sanaartorfimmik aqutsineq aamma aningaasanik aqutsineq.

Inuk nammineq sanaartortitsisuusoq:

Illumik piginnittut amerlanersaannut isumaliutigiuarneqartarpoq nammineq inigisap angissusaa inissisimaneralu nammineq pisariaqartitanut naapertuunnersoq. Tunissanerlugu imaluunniit allamik pisissanerluni, nutaamik sanatitsissanerluni, allilerlugu imaluunniit allanngorlugu sanassanerlugu. Illuutillit amerlanerit sanaartornissamut piffissaqaratillu assassornermik ilinniarsimanngimmata namminneerlutik sanaartorneq isumagisinnaanngilaat. Nutaamik illuliornissaq pineqarpat imaluunniit illup allanngorlugu sananissaa. Taamaattumik assassornermik ilinniarsimasoq saaffigisariaqarpoq naggataatigullu qularneq aamma takkutinngitsuussanani:
Assassornermik ilinniarsimasup neriorsuutini tamaasa naammassisinnaanerlugit? (naammassisarpaalu).

Taamaammat illumik piginnittuulluni paasisimasalimmit ikiorneqarsinnaalluni toqqissisimanassaaq isumaqatigiissutit, piffissaq, aningaasat aamma pitsaassuseq malinnaaffiginiarlugit. Tassaasinnaavoq Oqartussanut (sanaartornissamut akuersissut), illumik titartaasartumut imaluunniit pilersaarusiortumut allamut aamma attaveqarnermut. Illumik ineriikkamik pisisimagaanni imaluunniit tamakkiisumik allanngorlugu sananeqarsimasumik tamatigut aalajangigassartaqartarpoq. Tassaasinnaapput allannguutit, isumaqatigiissummut ilaasoriniarlugit ilaanngitsut imaluunniit sanaartorneq naammassivinneqanngitsoq.

Aalajangiinerit tamarmik, ajunngippata kukkusuuppatalu, aningaasanik naleqartarput. Illumik piginnittutut nalinginnaasutut killeqanngitsumik aningaasaateqarneq ajoratta missingersuutigineqartut qaangerneqassanngillat aalajangikkallu siullermik aalajangiussinermi ajunngittariaqarlutik. Angisuumik mikisumilluunniit sanaartorniaraanni sanaartornermi teknikkikkut siunnersuisumik ikiorteqarnissaq imminut akilersinnaanerpaavoq, taamaalilluni eqqortumik aalajangiinissani kisimiittariaqarani.